BBC Cymru Fyw

Ffrainc 26-0 Cymru

Published
image copyrightGetty Images
image captionMewnwr Cymru Amy Day yn taclo cefnwr Ffrainc Caroline Ladagnous

Dechreuodd Cymru eu hymgyrch yng Nghwpan Rygbi'r Byd i Ferched gyda cholled 26-0 i Ffrainc ym Marcoussis.

Dau gais gan yr asgellwr Marion Lievre ac un i'r canolwr Shannon Izar roddodd y tîm cartref 19-0 ar y blaen ar yr egwyl.

Er gwaethaf ymdrech ysbrydoledig gan Gymru, sgoriodd Elodie Poublan pedwerydd cais yn hwyr i roi buddugoliaeth â phwynt bonws i Ffrainc.

Mae hyn yn ergyd i obeithion Cymru o gyrraedd y rownd gyn-derfynol, gyda dim ond y tri enillydd o'r grwpiau a'r gorau o'r rhai ddaeth yn ail yn cymhwyso ar gyfer y pedair olaf.

I gael unrhyw siawns o symud ymlaen rhaid i Gymru ennill eu gêm nesaf ddydd Mawrth yn erbyn Awstralia, a gurodd De Affrica yn gynharach ddydd Gwener.

Fel y tîm cartref a deiliaid y Chwe Gwlad, Ffrainc yw un o'r ffefrynnau i ennill Cwpan y Byd.