Alfreton 2-3 Wrecsam

Fe sgoriodd Connor Jennings ei gôl gyntaf i Wrecsam

Wedi gêm gyffrous, fe sicrhaodd Wrecsam fuddugoliaeth yn erbyn Alfreton yn y Gyngres.

Alfreton sgoriodd gyntaf, ond fe darodd y Dreigiau'n ôl gyda gôl gan Louis Moult.

Daeth dwy gôl arall i Wrecsam gan Blaine Hudson a Connor Jennings.

Fe gafodd Luke Graham ei anfon o'r cae wedi iddo dderbyn ail gerdyn melyn, cyn i Paul Clayton sgorio ar ran Alfreton.

Dyma drydedd buddugoliaeth tîm Kevin Wilkins y tymor hwn.