Gem gyntaf i Warburton
- Cyhoeddwyd
Sam Warburton
Fe wnaeth capten Cymru Sam Warburton chwarae ei gem gyntaf y tymor hwn wrth i'r Gleision wynebu Caerlyr mewn gem gyfeillgar.
Doedd y blaenasgellwr heb chwarae oherwydd ffrae rhwng y rhanbarthau ac Undeb Rygbi Cymru.
Fe chwaraeodd am 50 munud yn Welford Road, ond colli bu hanes y Gleison o 21-17.
Sgoriodd Lloyd Williams gais i'r Gleision, gyda Rhys Patchell yn ychwanegu tair cic gosb a gol adlam.
Fe wnaeth y Dreigiau guro Northampton 27-25 ar barc Eugene Cross yng Nglyn Ebwy.
Sgoriodd Tom Prydie gais a throsgais, ac roedd yna gais yr un i Aled Brew a Cory Hill.