Jason Grovell yn pledio'n euog i ddynladdiad

Image copyright Google

Image caption Bu farw Jake Mark Sweeney yn dilyn digwyddiad tu allan i dafarn yr Irish Tymes yng Nghaerffili

Mae dyn 23 mlwydd oed wedi pledio'n euog i ddynladdiad yng Nghaerffili.

Fe wnaeth Jason Grovell o Gaerffili ymddangos yn Llys y Goron Caerdydd drwy gyfrwng linc fideo o garchar y brifddinas.

Cafodd ei arestio yn dilyn marwolaeth Jake Mark Sweeney, 26, ar ôl ffrwgwd y tu allan i dafarn yr Irish Tymes ar Res yr Orsaf yn y dref ddydd Sul Awst 24.

Dywedodd y barnwr Eleri Rees fod Grovell yn wynebu "dedfryd sylweddol".

Yn dilyn marwolaeth Mr Sweeney, defnyddiodd ei dad, Mark, Facebook i roi teyrnged i'w fab.

Ysgrifennodd: "Mae'r boen yn annioddefol.

"Methu credu ei fod wedi mynd a byddaf byth yn ei weld eto".