Dau wedi marw mewn damwain yn Llansawel
- Cyhoeddwyd
Mae dau o bobl wedi marw yn dilyn damwain ffordd a ddigwyddodd yn Llansawel.
Fe wnaeth Ford Focus du adael y ffordd ar yr A48 am tua 04:00 fore dydd Sadwrn a tharo yn erbyn wal. Digwyddodd hyn ar Hen Ffordd, ger y bwyty McDonald's.
Bu farw dau o ddynion oedd yn y cerbyd ar y pryd, yn ôl yr heddlu.
Mae Heddlu'r De wedi dweud eu bod nhw wedi cyfeirio eu hunain at Comisiwn Cwynion Annibynnol yr Heddlu oherwydd eu bod wedi derbyn adroddiad bod y cerbyd yn ymddwyn yn amheus yn ardal Rhydaman cyn y gwrthdrawiad.
Maen nhw'n dweud bod hyn yn unol â pholisi'r llu a'r canllawiau perthnasol.
Hoffai swyddogion siarad â gyrrwr cerbyd du, a allai fod yn dacsi, oedd wedi cael ei weld yn defnyddio cylchfan Llansawel tua adeg y ddamwain.
Gall unrhyw un sydd â gwybodaeth ffonio'r heddlu ar 101 neu yn ddienw drwy ffonio Taclo'r Tacle ar 0800 555 111.