BBC Cymru Fyw

Gyrrwr beic modur wedi marw ar Ynys Môn

Published

Mae gyrrwr beic modur wedi marw yn dilyn gwrthdrawiad ar Ynys Môn yn ystod oriau man bore Sul.

Roedd y dyn yn 19 mlwydd oed.

Bu farw wedi i feic modur Suzuki glas daro yn erbyn car Nissan Navara du ar y ffordd rhwng Bodffordd a Llynfaes am 01:00.

Mae'r heddlu wedi cychwyn ymchwiliad i'r digwyddiad.

Maen nhw'n gofyn i unrhyw un sydd ag unrhyw wybodaeth am y gwrthdrawiad i gysylltu â nhw.