Arestio llanc 15 oed wedi lladrad honedig

Mae Heddlu De Cymru wedi arestio bachgen 15 oed ar amheuaeth o ladrata yn dilyn digwyddiad yn Cilá , ar gyrion Abertawe.

Cafodd swyddogion eu galw i dŷ yn Christopher Drive tua 10.30 ddydd Llun, ble cafwyd hyd i ddynes 93 oed ar y llawr.

Cafodd ei chludo i Ysbyty Treforys, Abertawe, ble mae hi mewn cyflwr difrifol.

Fe wnaeth plismyn arestio bachgen 15 oed ddydd Mawrth ac mae'n cael ei holi yng ngorsaf heddlu Abertawe.

Dywedodd y Ditectif Arolygydd Mark Kavanagh: "Mae ymchwiliad i'r digwyddiad yn parhau ac rydym mewn cysylltiad gyda theulu'r ddioddefwraig ar adeg sy'n amlwg yn bryderus iddyn nhw."