Northampton 34-6 Gweilch

Published
image copyrightPA
image captionGeorge North yn sgorio ei gais cyntaf

Roedd yna bedwar cais i'r asgellwr George North wrth i Northampton adfer eu gobeithion o orffen ar frig eu grŵp yng Nghwpan Pencampwyr Ewrop.

Hwn oedd y tro cyntaf i'r Gweilch golli'r tymor hwn.

Tarodd North ddwywaith cyn yr egwyl i roi Northampton 20-3 ar y blaen.

Fe gollodd Northampton yn Ffrainc yr wythnos diwethaf, ond wedi'r egwyl fe wnaeth North groesi eto.

Gyda phum munud yn weddill fe sgoriodd gais unigol bendigedig a sicrhau pwynt bonws i'r tîm cartref.

Daeth pwyntiau'r Gweilch o esgid Dan Biggar.