Damwain: Dau wedi marw

Wedi gwrthdrawiad rhwng dau gar ger Crughywel brynhawn Sul, mae gyrwyr y ceir wedi marw.

Fe gafodd yr heddlu eu galw i'r A40 tua 14:40 wedi i gar Vauxhall Astra a Ford Fiesta daro yn erbyn ei gilydd.

Bu farw'r dyn oedd yn gyrru'r Astra a'r fenyw oedd yn gyrru'r Fiesta.

Yn ogystal, mae dyn oedd yn teithio yn y Fiesta yn parhau i fod mewn cyflwr difrifol yn yr ysbyty.

Fe gafodd y ffordd ei chau tan yn hwyr nos Sul, er mwyn i swyddogion ymchwilio i beth achosodd y ddamwain.

Mae'r ymchwiliad yn parhau ac mae'r heddlu yn awyddus i siarad ag unrhywun â gwybodaeth.