Blacmel: Cyhuddo cynghorydd o Fangor

  • 30 Hydref 2014
Chris O'Neal Image copyright Cyngor Gwynedd
Image caption Mae disgwyl i Mr O'Neal, sy'n cynrychioli ward Marchog ar Gyngor Gwynedd, ymddangos yn y llys ddiwedd Tachwedd

Mae Heddlu'r Gogledd wedi cyhuddo un o gynghorwyr Gwynedd o flacmel.

Mae'r cyhuddiad yn erbyn Christopher James O'Neal o Fangor yn ymwneud â digwyddiad honedig ym mis Rhagfyr y llynedd.

Mae Mr O'Neal yn cynrychioli ward Marchog ar y cyngor.

Mae disgwyl iddo fynd o flaen ynadon ym Mhrestatyn ddiwedd Tachwedd.

Mewn datganiad ddydd Iau, fe ddywedodd Heddlu'r Gogledd bod unigolyn wedi ei gyhuddo nos Fercher yn dilyn cwyn am flacmel yn Y Rhyl yn 2013.