Doc Penfro: Ymchwiliad i farwolaeth Roger Williams ar ben

Mae dau ddyn a dynes wedi eu rhyddhau heb gyhuddiad yn dilyn marwolaeth dyn yn Noc Penfro.

Cafodd corff Roger Williams, oedd yn 50, ei ddarganfod yn Pater Court ddydd Gwener.

Roedd Heddlu Dyfed-Powys wedi arestio'r tri ar amheuaeth o lofruddio.

Ond mae'r ymchwiliad bellach ar ben wedi i dditectifs benderfynu nad oedd y farwolaeth yn un amheus.

Mae'r crwner wedi cael gwybod.