Cwest i ddechrau yn dilyn ymosodiad canibalaidd

Dioddefodd Ms Yemm anafiadau sylweddol i'w hwyneb mewn ymosodiad canibalaidd honedig

Bydd cwest i farwolaeth Cerys Yemm, a gafodd ei llofruddio mewn llety gwely a brecwast i'r di-gartref yn Argoed, yn dechrau ddydd Gwener.

Bu farw Cerys Marie Yemm, 22, wedi i Matthew Williams ymosod arni ar 6 Tachwedd eleni.

Mae disgwyl i arolwg trosedd ddifrifol gael ei agor a'i ohirio yng Nghanolfan Ddinesig Casnewydd ddiwedd yr wythnos.

Bu farw Matthew Williams ar ôl i heddlu ddefnyddio gwn Taser arno.

Mae Comisiwn Cwynion Annibynnol yr Heddlu yn ymchwilio i amgylchiadau ei farwolaeth, ond nid oes dyddiad wedi ei bennu eto ar gyfer cwest.