Trawsblaniad: Cwest i ddwy farwolaeth

Image copyright Irwin Mitchell

Image caption Derbyniodd Robert Stuart, 67 oed o Gaerdydd, a Darren Hughes, 42 oed o Ben-y-bont ar Ogwr, aren gan yr un unigolyn.

Fe fydd cwest yn dechrau yng Nghaerdydd ddydd Mawrth i achos dau ddyn a gafodd trawsblaniad organau gan yr un unigolyn yn dilyn honiadau bod organau'r rhoddwr yn dioddef o glefyd parasitig.

Derbyniodd Robert Stuart 67 oed, a Darren Hughes, 42 oed, aren gan yr un unigolyn.

Cafodd y ddwy driniaeth eu cynnal yn Ysbyty Athrofaol Cymru, Caerdydd ym mis Rhagfyr 2013.

Hwn oedd y trydydd trawsblaniad i Mr Hughes ei derbyn, a'r cyntaf i Mr Stuart.

Mae honiad bod yr arennau gafodd y ddau yn 2013 wedi eu heintio a mwydyn parasitig.

Gobaith teuluoedd yw bod cwestiynau'n cael eu hateb yn sgil y cwest.