Apêl wedi i ddyn farw mewn gwrthdrawiad ger Wrecsam

  • 25 Tachwedd 2014

Mae'r Heddlu yn apelio am wybodaeth ar ôl i ddyn farw mewn gwrthdrawiad ger Wrecsam nos Lun.

Cafodd y gwasanaethau brys eu galw i wrthdrawiad rhwng Peugeot 307 arian a lori Scania ar yr A483 ger Rhiwabon am tua 18:15 nos Lun.

Bu farw gyrrwr y car o'i anafiadau, ac mae'r Heddlu yn credu iddo fod yn ddyn ei 30au.

Mae ei deulu wedi cael gwybod.

Ni chafodd gyrrwr y lori ei anafu.

Mae'r heddlu yn awyddus i unrhyw un welodd y gwrthdrawiad i gysylltu gyda nhw ar 101.