Buddugoliaeth i'r Scarlets

Rhys Priestland yn cicio Scarlets Llanelli i fuddugoliaeth

Cwpan Pencampwyr Ewrop

Scarlets 22 -13 Ulster

Rhys Priestland oedd seren y gêm - a'r prif sgoriwr - wrth i'r Scarlets guro Ulster ym Mharc y Scarlets.

Mae'r canlyniad yn cadw gobeithion y Scarlets yn fyw yng ngrŵp 3.

Sgoriodd y blaenasgellwr James Davies unig gais y Scarlets -wrth iddo ryng-gipio'r bêl a rhedeg o dan y pyst ym munudau ola'r gem.

Roedd cicio cywir Priestland yn ddigon i ennill y gêm yng nghanol gwynt a glaw Llanelli.

Roedd gan y Scarlets 12 pwynt o fantais ar yr egwyl cyn i Ulster daro nôl gyda chymorth cais Darren Cave.

Ond cais y blaenasgellwr ifanc wnaeth sicrhau'r fuddugoliaeth.