BBC Cymru Fyw

Cymuned Sipsi yn gwrthwynebu datblygiad

Published
image captionSafle i Deithwyr a Sipsi yng Nghaegarw, ger Margam.
Mae Cymuned Sipsi sy'n byw ger Port Talbot wedi gwrthwynebu cynlluniau'r cyngor i ddatblygu'r safle maen nhw'n byw arno.
Gobaith Cyngor Castell-Nedd Port Talbot ydi ychwanegu 11 lle ar y safle i deithwyr yng Nghaegarw, Margam.
Mae'r trigolion sy'n byw yno wedi dechrau ymgyrchu drwy ffurfio deiseb er mwyn mynegi eu hanfodlonrwydd â'r cynlluniau.
Mae'r cyngor yn dweud bod angen y llefydd ychwanegol, a bod y broses o ymgynghori eisoes wedi cychwyn gyda'r cynlluniau.
Dywedodd y cynghorydd dros Fargam, Rob Jones, bod aelod o'r gymuned Sipsi wedi cysylltu â fo er mwyn ceisio atal y datblygiad.
Mae llywodraeth Cymru wedi rhoi arian i Gyngor Castell-nedd Port Talbot i ychwanegu at eu darpariaeth i deithwyr yn y sir.
Dywedodd Gareth Nutt, cyfarwyddwr amgylchedd y cyngor bod angen rhagor o safleoedd ar eu cyfer dros yr 12 mlynedd nesaf.