Casnewydd 2-1 Caerliwelydd

Daeth Casnewydd yn ôl, o fod yn colli o un gôl i ddim i fod o fewn pwynt i'r gyrraedd safleoedd dyrchafiad cynghrair Dau, a hynny wrth i'r pwysau gynyddu ar Gaerliwelydd sydd ar waelod y gynghrair.

Rhoddodd Courtney Meppen-Walter yr ymwelwyr ar y blaen yn gynnar yn y gêm gyda pheniad o naw llath tu allan i'r gôl.

Fe lwyddodd Adam Chapman i unioni'r sgôr gyda chic o'r smotyn fel oedd y gêm yn cyrraedd yr hanner, pan aeth Ryan Jackson i lawr yn y cwrt cosbi.

Fe sicrhaodd Lee Minshull y fuddugoliaeth i Gasnewydd pan roddwyd y bêl yng nghefn y rhwyd ar ôl i ergyd gan Aaron O'Connor gael ei harbed.