Dihangfa ffodus i dîm achub mynydd wedi damwain

Cyhoeddwyd
Disgrifiad,
Fideo o'r cerbyd gan Dîm Achub Mynydd Central Beacons

Cafodd pedwar aelod o dîm achub mynydd ddihangfa ffodus ar ôl i'w cerbyd gyriant pedwar olwyn droi ar ei ochr ar rew nos Sadwrn.

Roedd y tri dyna ag un ddynes o Dîm Achub Mynydd Central Beacons yn y Bannau Brycheiniog ar eu ffordd i achub cerddwr 25 oed ar Benyfan.

Rhwng Pontsticill a Phentref Aber fe gafodd y cerbyd ei yrru dros rew ar y ffordd, cyn troi ar ei ochr.

Chafodd neb ei anafu yny digwyddiad.

Disgrifiad o’r llun,
Digwyddodd y ddamwain rhwng Pontsticill a Phentref Aber

Blaenoriaeth

Dywedodd un o'r tîm, Mark Moran: "Fe gawson ni ddihangfa lwcus.

''Petai wedi llithro ychydig droedfeddi yn bellach fe fyddai wedi dod i orwedd mewn dŵr ar ochr y ffordd.

''Ond unwaith yr oedden ni'n gwybod fod pawb yn iawn, y flaenoriaeth oedd ateb yr alwad am gymorth ac fe aethon ni yn ein blaen ar droed.''

Ffynhonnell y llun, Mark Moran
Disgrifiad o’r llun,
Asesu'r difrod i'r cerbyd fore Sul
Ffynhonnell y llun, Mark Moran
Disgrifiad o’r llun,
Llithrodd y Land Rover ar rew
Ffynhonnell y llun, Mark Moran
Disgrifiad o’r llun,
Mae'r cerbyd wedi dioddef difrod sylweddol yn dilyn y ddamwain

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol