BBC Cymru Fyw

Euog o osod pornograffi ar iPad siop

Published
image copyrightWales news service
image captionCeri Morgan

Mae cwsmer Tesco wedi cael gorchymyn cymunedol am 12 mis ar ôl newid delwedd ar iPad yn y siop gan osod llun pornograffig arno.

Clywodd Ynadon Abertawe fod Ceri Morgan, 40, wedi lwytho'r llun i'r dabled a'i osod o fel llun cefndir.

Roedd wedi ceisio dileu'r ddelwedd ond hynny'n aflwyddiannus.

Roedd Morgan yn archfarchnad Tesco yn Fforest-fach gyda'i fab pan ddigwyddodd y drosedd.

Plediodd yn euog i gyhuddiad o achosi delwedd anweddus i gael ei harddangos.

Cafodd ei ddal gan staff diogelwch oedd yn gwylio camerâu cylch cyfyng.

Clywodd yr ynadon na chafodd y llun ei weld gan gwsmeriaid eraill, dim ond staff Tesco yn Hydref 2014.

Dywedodd Alex Scott, ar ran y diffynnydd: "Jôc oedd y bwriad, doedd yna ddim cymhelliad rhywiol. Roedd yn benderfyniad ffôl, ond yn ddigwyddiad ynysig."

Fe fydd yn rhaid i Morgan wneud 100 awr o waith di-dâl a chafod gorchymyn i dalu costau o £85, a ffi dioddefwr o £60.