Wimbledon 2-0 Casnewydd

Dwy gôl gan Adebayo Akinfenwa roddodd y dechrau gwaethaf i fywyd heb Justin Edinburgh i Gasnewydd yn Wimbledon.

Daeth cadarnhad bod Edinburgh wedi ei benodi yn reolwr Gillingham ddydd Sadwrn.

Sgoriodd Akinfenwa beniad cynnar, cyn i Joe Day arbed cic o'r smotyn gan yr ymosodwr ar ôl i Kevin Feely gael ei yrru o'r cae.

Ond fe wnaeth Akinfenwa ddyblu'r fantais gyda gôl 15 munud cyn ddiwedd y gêm.