Perygl colli 64 o swyddi ffatri yn Nhreffynnon

Mae AMRI yn darparu gwasanaethau datblygu cemegau ac yn cynhyrchu cynhwysion ffarmacoleg

Mae perygl y bydd 64 o weithwyr ffatri yn colli eu swyddi yn Nhreffynnon, Sir y Fflint, wedi i gwmni o America ddewis cau eu unig safle yn y DU.

Mae Albany Molecular Research Inc (AMRI) yn darparu gwasanaethau datblygu cemegau ac yn cynhyrchu cynhwysion ffarmacoleg.

Dydd Iau, dywedodd y byddai'n ymgynghori â staff i geisio cyfyngu ar y nifer fydd yn colli eu gwaith.

Dywedodd AMRI nad oedd y safle wedi llwyddo i weithredu fel cyswllt rhwng Ewrop ac America, ac nad oedd nawr yn cyd-fynd â "chyfeiriad strategol newydd" y cwmni.