Enwau Tsieinëeg i atyniadau mwyaf poblogaidd Cymru

Eryri ynteu Man Yin Feng?

Mae VisitBritain wedi cyhoeddi enwau Tsieinëeg ar gyfer rhai o atyniadau mwyaf poblogaidd Cymru.

Mae'r enwau newydd yn rhan o ymgyrch i geisio denu mwy o ymwelwyr o China i Gymru.

Mae rhai o'r enwau newydd yn fwy confensiynol, fel 'traeth codiad yr haul' ar gyfer Bae Rhosili, tra bod eraill yn amlwg wedi cael mwy o ystyriaeth - Llanfairpwll yn troi yn 'bentref yr ysgyfaint iach', am fod ynganu enw'r pentref yn ymarfer corff i'r ysgyfaint, er enghraifft.