Dyn ar fechniaeth wedi gwrthdrawiad
- Cyhoeddwyd
Mae blodau wedi cael eu gadael wrth safle'r ddamwain ar Ffordd Parc Ninian
Mae Heddlu'r De wedi rhyddhau gyrrwr ar fechniaeth wedi marwolaeth bachgen 12 oed yn dilyn gwrthdrawiad â char ar Ffordd Parc Ninian yng Nghaerdydd brynhawn Gwener.
Cafodd y gwasanaethau brys eu galw am tua 4:00yh. Bu'r bachgen mewn gwrthdrawiad a char Audi S3 gwyn, ac mae dyn 25 oed wedi ei arestio ar amheuaeth o achosi marwolaeth drwy yrru'n beryglus.
Mae Heddlu De Cymru yn apelio am lygad-dystion a welodd y digwyddiad neu'r ffordd yr oedd y car yn cael ei yrru ar y pryd i gysylltu gyda nhw trwy ffonio 1010 neu 0800 555111 gan ddefnyddio'r cyfeirnod 1500068826.
Cafodd y ffordd ei gau gan yr heddlu yn dilyn y gwrthdrawiad