Gyrrwr rasio o Gymru mewn damwain angheuol
- Cyhoeddwyd
Car Jann Mardenborough ar ôl y ddamwain ar y Nürburgring
Mae un person wedi marw ac mae dyn o Gaerdydd yn yr ysbyty yn dilyn damwain ar drac rasio yn yr Almaen.
Roedd Jann Mardenborough, sy'n 23 ac o Gaerdydd, yn gyrru car Nissan GTR mewn ras ar y Nürburgring pan aeth y car oddi ar y ffordd.
Bu farw un person oedd yn gwylio'r ras ac mae "nifer" wedi eu hanafu yn ôl Nissan.
Cafodd Mardenborough ei gludo i'r ysbyty am brofion.
Mae Jann Mardenborough yn wreiddiol o Drelái
Mewn datganiad, dywedodd Nissan eu bod yn ymchwilio i'r digwyddiad.
Nid oedd Mardenborough, sy'n fab i'r cyn bêl-droediwr Steve Mardenborough, wedi rasio tan 2011, pan gafodd gytundeb proffesiynol ar ôl ennill cystadleuaeth gemau cyfrifiadurol.