Teyrngedau i hyfforddwr clwb rygbi
- Cyhoeddwyd
Fe ddaeth y gêm i ben wedi i Keith Winstone ddisgyn i'r llawr o flaen ei wraig a'i blant
Mae clwb rygbi ym Merthyr Tudful yn galaru wedi i hyfforddwr y clwb farw'n sydyn yn ystod gêm.
Cafodd Keith Winstone, 51 oed, ei daro'n wael, o flaen ei wraig a'i blant yn ystod gêm rhwng Clwb Rygbi Dowlais a Llantrisant ddydd Sadwrn.
Dywedodd rheolwr y Clwb, Huw Morgan fod teyrngedau wedi bod yn arllwys i mewn ar gyfer Mr Winstone, gan ddweud fod "parch aruthrol" tuag ato.
"Pobl fel Keith sy'n gwneud i rygbi weithio yng Nghymru," meddai.
"Roedd yn gymeriad uchel aruthrol ei barch ac yn gyfaill oes i lawer ohonom."
Mae Mr Winstone yn gadael gwraig, Colette, mab Alex, 17 oed, a merch Niamh, 12.