BBC Cymru Fyw

Dau yn y llys ar gyhuddiad o lofruddio yn Nhonypandy

Published
image copyrightSouth Wales Police
image captionBu farw Wayne Letherby yn Ysbyty Brenhinol Morgannwg, Llantrisant
Mae dau ddyn wedi ymddangos gerbron Llys y Goron Caerdydd, wedi eu cyhuddo o lofruddio dyn 42 oed yn Nhonypandy.
Mi wnaeth Jamie Leyshon, 26 oed o Donypandy, a Dean Doggett, 26 oed o Benygraig, ymddangos drwy gyswllt fideo gan siarad i gadarnhau eu henwau yn unig.
Clywodd y gwrandawiad bod y ddau ddyn wedi eu cyhuddo o lofruddio Wayne Letherby, 42 oed, a chyhuddiad o geisio anafu.
Mae dau berson arall gafodd eu harestio mewn cysylltiad â'r digwyddiad wedi eu rhyddhau ar fechniaeth wrth i'r ymchwiliad barhau.
Mae'r heddlu'n parhau i apelio am dystion i'r digwyddiad tu allan i dafarn De Winton, Tonypandy ddydd Gwener diwethaf.
Ni chafodd cais am fechnïaeth ei gyflwyno, a chafodd y ddau ddyn eu cadw yn y ddalfa.
Bydd gwrandawiad llys pellach ar 7 Awst.