Dedfryd oes am lofruddiaeth carchar

Mae dyn 23 oed, laddodd y dyn oedd yn rhannu cell gydag o yng ngharchar Caerdydd, wedi ei ddedfrydu i garchar am oes.

Bydd rhaid i Colin Capp dreulio o leia' 16 mlynedd yn y carchar am lofruddio Darren Thomas, 45 oed.

Fe ymosododd Capp ar Mr Thomas tra roedd yn cysgu yn eu cell yn y carchar.

Cafodd Mr Thomas ei drywanu dros 100 o weithiau gyda beiro, ond bu farw wedi i fag plastig gael ei glymu o amgylch ei ben.

Roedd Colin Capp yn y carchar wedi achosion o gynnau tân yn fwriadol, pan lofruddiodd Mr Thomas.