Marwolaeth rheilffordd yn achosi oedi
- Cyhoeddwyd
Mae teithwyr rheilffordd rhwng Abertawe a Chaerdydd wedi wynebu oedi am gyfnod oherwydd marwolaeth dyn gafodd ei daro gan drên.
Fe ddigwyddodd hyn rhwng Gorsaf Parkway Port Talbot a Phen-y-bont ar Ogwr a chafodd y lein ei chau.
Roedd bysus yn lle trenau rhwng Caerdydd Canolog ac Abertawe o 16:15 ymlaen.
Ailagorodd y lein am 18:20.
Dywedodd yr Heddlu Trafnidiaeth fod y dyn wedi ei daro am 15:37.
Bu farw yn y fan a'r lle a dywedodd yr heddlu nad oedd y farwolaeth yn amheus.