BBC Cymru Fyw

Arsenal 0-1 Abertawe

Published
image copyrightReuters
Fe wnaeth Abertawe sicrhau thri phwynt enwog nos Lun wrth iddyn nhw drechu Arsenal o 0-1 yn Stadiwm Emirates.
Roedd hi'n ddi-sgôr ar yr egwyl yn dilyn hanner cyntaf ble bu cyfleoedd yn brin.
Y tîm cartref oedd yn pwyso yn yr ail hanner, gyda golwr Abertawe, Lukasz Fabianski, yn gwneud cyfres o arbediadau da o ergydion Olivier Giroud, Alexis Sanchez a'r Cymro Aaron Ramsey.
Ond Abertawe aeth ar y blaen yn erbyn llif y chwarae bum munud o ddiwedd y 90 wrth i Bafetimbi Gomis gyfarfod croesiad Jefferson Montero i benio dros y llinell gôl.
Er i golwr Arsenal, David Ospina, ddadlau nad oedd y bêl wedi croesi'r llinell, roedd y dechnoleg llinell gôl yn dangos ei fod wed croesi o ychydig fodfeddi.
Mae'r canlyniad yn golygu bod gobaith i Abertawe gipio'r chweched safle i sicrhau y bydden nhw yn chwarae yn Ewrop y tymor nesaf.
Maen nhw ddau bwynt o'r chweched safle ar hyn o bryd, gyda dwy gêm ar ôl nes diwedd y tymor.