Colli 90 o swyddi mewn ffatri awyrennau

GE Aviation factory floor
Image caption Ffatri GE Aviation yn Nantgarw

Mae tua 90 o weithwyr i golli eu gwaith mewn ffatri cynhyrchu peiriannau awyrennau yn y de.

Dywedodd llefarydd GE Aviation yn Nantgarw, ger Caerffili, eu bod yn galw am ddiswyddiadau gwirfoddol oherwydd bod y busnes wedi crebachu.

Mewn datganiad dywedodd y cwmni y byddant yn cynnal ymgynghoriad ffurfiol gyda'r undeb llafur Unite.

Ychwanegodd y datganiad y byddant yn "parhau i gynnal trafodaethau agored" gyda'r gweithwyr.

Dywedodd AS Caerffili Wayne David fod y newyddion yn hynod siomedig.