Achub dyn o dân ym Mlaenau Ffestiniog

Mae dyn wedi cael ei gymryd i'r ysbyty o ganlyniad i anadlu mwg ar ôl cael ei achub o dân mewn tŷ yng Ngwynedd yn oriau cynnar bore Llun.

Fe gafodd ddynes ei thrin gan barafeddygon hefyd ar ôl y digwyddiad ar Stryd Fawr Blaenau Ffestiniog.

Fe wnaeth hi ddianc o'r tân ar ôl clywed y larwm tân, meddai Gwasanaeth Tân y Gogledd.

Dynion tân achubodd y dyn, ac mae ymchwiliad wedi ei lansio i achos y tân.