Damwain ffair Y Bermo: Dyn yn yr ysbyty

  • 27 Mai 2015
Prom Y Bermo Image copyright Google
Image caption Fe gafodd y dyn ei gludo i Ysbyty Bronglais yn Aberystwyth mewn ambiwlans

Mae dyn wedi cael ei gludo i'r ysbyty oherwydd damwain yn y ffair ar y prom yn Y Bermo ddydd Mercher.

Yn ôl Gwylwyr y Glannau Caergybi, cafodd y dyn ei daro gan reid.

Dywedodd y gwasanaeth ambiwlans eu bod wedi cael eu galw tua 10:15.

Fe gafodd hofrennydd ei anfon ond fe gafodd y dyn ei gludo i Ysbyty Bronglais yn Aberystwyth mewn ambiwlans cyffredin.

Does dim rhagor o fanylion ynglŷn â chyflwr y dyn ar hyn o bryd.