Y Seintiau Newydd 0-1 Videoton

Videoton's Andras Fejes (left) and The New Saints' Mike Wilde battle for the ball Image copyright PA

Mae'r Seintiau Newydd wedi colli yng nghymal cyntaf eu gêm yn ail rownd ragbrofol Cynghrair y Pencampwyr yn erbyn Videoton.

Sgoriodd Adam Gyurcso i bencampwyr Hwngari ar ôl 77 munud o chwarae ar gae Neuadd y Parc.

Roedd y tîm cartref wedi llwyddo i amddiffyn yn gadarn yn erbyn chwarae da gan Videoton yn yr hanner cyntaf.

Ond yn yr ail hanner, collodd Christian Seargeant y bêl y tu allan i gwrt cosbi'r Seintiau, a saethodd Gyurcso heibio Paul Harrison i gornel y rhwyd.

Cafodd Aeron Edwards gyfle i unioni'r sgôr yn hwyr yn y gêm gydag ymdrech o du allan i'r cwrt cosbi, ond cafodd ei ergyd ei wthio dros y trawst gan Peter Gabor.

Mae'r ail gymal ar 22 Gorffennaf yn y Sostoi Stadion yn Szekesfehervar.