BBC Cymru Fyw

Carchar i 'filwr' o Gaerdydd am dwyll £250,000

Published
image copyrightHeddlu De Cymru
image captionFe wnaeth Tosin Femi Olasemo gyfaddef twyll

Mae dyn wnaeth honni ei fod yn filwr o'r Unol Daleithiau er mwyn twyllo dwy ddynes i roi dros £250,000 iddo wedi ei garcharu.

Clywodd Llys y Goron Caerdydd bod Tosin Femi Olasemo, 37 oed o Gaerdydd, wedi defnyddio llun o filwr ar wefan match.com.

Dywedodd wrth y ddwy ddynes ei fod yn Afghanistan, a'i fod angen arian i dalu am ymweliadau gyda nhw.

Plediodd yn euog i dwyll a chafodd ei garcharu am bedair blynedd a hanner.

Dywedodd yr heddlu ei fod wedi dangos dim trugaredd am yr hyn oedd wedi ei wneud.

Ychwanegodd y Ditectif Sarsiant Jamie Holcombe o Heddlu De Cymru bod yr achos yn esiampl o sut all rywun "eistedd o flaen cyfrifiadur a dinistrio bywyd rhywun arall".

Dywedodd: "Fe wnaeth Olasemo gymryd mantais o wendidau'r dioddefwyr a ni ddangosodd unrhyw drugaredd am eu colledion."