Marwolaeth Talysarn: Apelio am dystion
- Cyhoeddwyd
Fe ddigwyddodd y gwrthdrawiad ar Ffordd Nantlle yn Nhalysarn
Mae'r heddlu'n apelio am wybodaeth ar ôl i ddynes oedrannus farw mewn gwrthdrawiad gyda lori yng Ngwynedd bnawn dydd Gwener.
Fe ddigwyddodd y gwrthdrawiad ar Ffordd Nantlle yn Nhalysarn, a chafodd yr heddlu eu galw am 16:03.
Fe ddylai unrhyw un gyda gwybodaeth am y digwyddiad gysylltu gyda Heddlu Gogledd Cymru ar 101.
Fe gafodd y ddynes ei chludo i Ysbyty Gwynedd ym Mangor mewn hofrennydd.
Dywedodd yr heddlu mai lori ddadlwytho Ford Transit oedd wedi bod yn y gwrthdrawiad.
Does dim mwy o wybodaeth wedi ei ryddhau.