Gwerthu medalau rhyfel Violette Szabo am £260,000

Cyhoeddwyd
Ffynhonnell y llun, Dix Noonan Webb
Disgrifiad o’r llun,
Cafodd medal Croes George ei rhoi i Violette Szabo ar ôl ei marwolaeth

Mae casgliad o fedalau o'r Ail Ryfel Byd, gan gynnwys Croes George gafodd ei roi i ddynes fu'n gwrthryfela yn erbyn y Natsïaid yn Ffrainc, wedi ei werthu am £260,000.

Cafodd medalau Violette Szabo eu gwerthu o fewn munud, a hynny i gasgliad yr Arglwydd Ashcroft, ac fe fyddant yn cael eu harddangos yn amgueddfa'r Imperial War Museum yn Llundain.

Roedd Szabo yn un o bedair dynes i gael Croes George, a hynny am ei dewrder wrth gynorthwyo gwrthryfelwyr yn Ffrainc yn erbyn y Natsïaid, ar ôl cael ei gyrru yno gan y Fyddin Brydeinig.

Ar ei hail daith yno, cafodd ei dal gan y Gestapo. Cafodd ei harteithio cyn cael ei lladd yn 1945.

Penderfynodd ei merch, Tania Szabo, sy'n byw ger Llanfair-ym-Muallt ym Mhowys, werthu'r casgliad gan nad oes ganddi blant ei hun er mwyn eu pasio ymlaen.

Ffynhonnell y llun, Dix Noonan Webb
Disgrifiad o’r llun,
Cafodd Violette Szabo ei lladd yn 1945 gan y Gestapo

Straeon perthnasol