Tân Casnewydd: Tri wedi eu hanafu
- Cyhoeddwyd
Mae tri o bobl wedi eu hachub wedi tân bwriadol y tu allan i fflat yng Nghasnewydd, yn ôl Gwasanaeth Tân ac Achub De Cymru.
Fe gafodd y tri eu cludo i'r ysbyty wedi iddyn nhw ddioddef mân losgiadau ac effeithiau anadlu mŵg.
Yn ôl y gwasanaeth, fe ddechreuodd y tân o flaen y fflatiau ar Ffordd Malpas ym Mrynglas toc cyn 04:00 fore Iau.
Fe ddywedodd llefarydd bod sbwriel wedi ei gynnau ar dân.
Mae'r heddlu'n ymchwilio.