Plaid Cymru: Leanne Wood yn gwadu bod rhaniad yn y blaid

Fe wnaeth Leanne Wood ei sylwadau mewn cyfarfod cyhoeddus ym Mae Colwyn nos Iau

Mae arweinydd Plaid Cymru Leanne Wood wedi gwadu bod rhaniad yn y blaid yn dilyn trafodaethau am ddyfodol yr Arglwydd Elis-Thomas.

Roedd yr Arglwydd Elis-Thomas, sydd wedi ei ddewis fel ymgeisydd y blaid ar gyfer Dwyfor Meirionnydd yn etholiad y Cynulliad y flwyddyn nesaf, wedi cael ei feirniadu gan rai yn dilyn cyfweliadau a roddodd yn ystod ymgyrch yr etholiad cyffredinol.

Credir iddo ennill pleidlais o gefnogaeth gan aelodau ei etholaeth nos Fawrth, ond ei fod hefyd yn wynebu galwad i gyfaddawdu.

Mewn cyfarfod cyhoeddus ym Mae Colwyn nos Iau, dywedodd Leanne Wood: "Dydw i ddim yn derbyn bod rhaniadau yn Plaid Cymru.

"Mae anghytundebau wedi bod gydag un aelod a gweddill y blaid. Ni fyddwn i yn galw hynny yn rhaniad mewn unrhyw ffordd.

Yn y cyfarfod, fe ofynnodd ddau berson am undod yn y blaid, a rhoi eu cefnogaeth i Ms Wood.

Credir i'r Arglwydd Elis-Thomas ennill pleidlais o gefnogaeth yn y cyfarfod nos Fawrth