BBC Cymru Fyw

Saethu Aberpennar: Dau ddyn yn y llys

Published
image captionFe ymddangosodd Stephen Bennett, o Bontypridd ac Edward Bennett, o Aberpennar, yn y llys fore Sadwrn
Mae dau ddyn wedi ymddangos yn y llys wedi eu cyhuddo o geisio llofruddio dyn yn Rhondda Cynon Taf.
Fe gadarnhaodd Stephen Bennett, 52 oed, o Bontypridd ac Edward Bennett, 47, o Aberpennar, eu henwau, cyfeiriadau a dyddiadau geni yn ystod y gwrandawiad yn Llys Ynadon Pontypridd.
Mae'r ddau wedi eu cadw yn y ddalfa er mwyn ymddangos yn Llys y Goron Caerdydd ddydd Llun.
Mae Mark Jones, 43 oed, yn parhau i fod yn yr ysbyty ym Merthyr Tudful yn dilyn y digwyddiad yn Aberpennar nos Sul, 26 Gorffennaf.
Mae'r ddau ddyn hefyd yn wynebu cyhuddiadau yn ymwneud â throseddau drylliau.
image captionMae dyn 43 oed, yn parhau i fod yn yr ysbyty ym Merthyr Tudful yn dilyn y digwyddiad yn Aberpennar