Miloedd o gefnogwyr yn tyrru i Gaerdydd

Mae pob tocyn wedi ei werthu ar gyfer y gêm rygbi rhwng Cymru ac Iwerddon

Mae Caerdydd yn croesawu degau o filoedd o gefnogwyr chwaraeon wrth i dîm rygbi Cymru wynebu Iwerddon a thîm pêl-droed y brifddinas chwarae gemau cynta'r tymor.

Mae pob tocyn ar gyfer y gêm rhwng Cymru ag Iwerddon yn Stadiwm y Mileniwm wedi eu gwerthu.

Hon yw'r y bydd Cymru yn chwarae cyn iddyn nhw chwarae eu gêm gyntaf yng Nghwpan Rygbi Byd yn erbyn Uruguay yng Nghaerdydd ar 20 Medi.

Byddant yn teithio i Ddulyn i chwarae Iwerddon eto ar 29 Awst, ac yn croesawu'r Eidal i Stadiwm y Mileniwm ar 5 Medi.

Bydd y gêm dydd Sadwrn yma yn dechrau am 14.30.

Ond ychydig oriau cyn hynny am 12:00 bydd miloedd o gefnogwyr tîm pêl-droed y brifddinas yn gwylio eu tîm yn erbyn Fulham yn y bencampwriaeth wrth i'r tymor pêl-droed ailddechrau.

Mae'r Elyrch yn wynebu talcen caled, nid yn unig yn chwarae oddi cartref ond hynny yn erbyn y pencampwyr Chelsea am 17:30.

Bydd rheolwyr newydd wrth y llyw yng Nghasnewydd a Wrecsam.

Mae tîm Terry Butcher yn teithio i Gaergrawnt (15:00).

Teithio hefyd fydd Gary Mills a Wrecsam, a hynny i Bromley yn y Cynghrair Cenedlaethol.