Caerdydd 1-1 Fulham
- Cyhoeddwyd
Cafodd peniad Anthony Pilkington yn yr hanner cyntaf ei ddiystyru oherwydd llawio
Caerdydd 1-1 Fulham
Ymweliad Fulham â Chaerdydd oedd gêm agoriadol y tymor yn y Bencampwriaeth, ac roedd hi'n brynhawn braf yn Stadiwm Dinas Caerdydd.
Wedi hanner cyntaf di-sgor, gwnaeth camgymeriad Simon Moore yn y gôl ganiatau i Matt Smith sgorio i dîm y Cymro Kit Symons yn gynnar yn yr ail hanner.
Methodd Caerdydd fanteisio ar fwy nag un cyfle: Mi ddaeth Joe Mason, Sean Morrison a Matt Connolly yn agos - ond uchafbwynt y pnawn oedd gôl wych yr eilydd Craig Noone bum munud o'r diwedd.
Roedd Russell Slade yn fwy na bodlon efo'r canlyniad a'r perfformiad, ac mae'n bosib y bydd prif sgoriwr y tymor diwethaf Kenwyne Jones yn holliach ar gyfer y daith i Queens Park Rangers ddydd Sadwrn nesaf.