Gwrthdrawiad: Anafiadau difrifol i bensiynwr

Fe gafodd yr heddlu eu galw i'r digwyddiad ar Bryn Bevan am 23:35 nos Lun

Mae dyn 34 oed wedi ei arestio wedi i gerddwr 75 oed ddioddef anafiadau difrifol yn dilyn gwrthdrawiad ar Bryn Bevan yng Nghasnewydd nos Lun.

Dywedodd Heddlu Gwent eu bod wedi cael eu galw i'r digwyddiad am 23:35.

Mae'r pensiynwr yn derbyn triniaeth yn Ysbyty Brenhinol Gwent yn y ddinas.

Bu'r ffordd ar gau am gyfnod, ac mae'r heddlu yn apelio am dystion.

Mae'r dyn 34 oed, oedd yn gyrru car Renault Megane llwyd, wedi ei arestio ar amheuaeth o yrru'n beryglus ac mae wedi ei gadw yn y ddalfa.