Dathlu cydraddoldeb ac amrywiaeth

  • 15 Awst 2015
pride sign Image copyright BBC news grab
Image caption Fe wnaeth dros 1,000 orymdeithio drwy'r ddinas

Mae dros 1,000 o bobl wedi cymryd rhan yn yr hyn sy'n cael ei ddisgrifio fel y dathliad mwyaf yng Nghymru o gydraddoldeb ac amrywiaeth yn cael ei gynnal yng Nghaerdydd ddydd Sadwrn.

Fe wnaeth gormymdaith Pride Cymru ddechrau o ganol y ddinas ac bydd yn diweddu gyda chyngerdd ym Mharc Biwt.

Dywed y trefnwyr eu bod yn gobeithio y bydd hyd at 20,000 o wylwyr yn mynychu'r cyngerdd.

Dywedodd Lu Thomas o Pride Cymru: "Mae eleni yn nodi 30 mlynedd ers yr orymdaith gyntaf yng Nghymru gan aelodau gymuned LGBT (lesbiaid, hoyw, deurywiol, thrawsryweddol) yn ogystal â bod yn ben-blwydd gorymdaith Pride Cymru yn 16."

"Rydym yn falch o ddweud bydd aelodau gwreiddiol o'r orymdaith gyntaf yng Nghymru yn 1985 yn bresennol."

Y cyflwynydd teledu a'r actor Andrew Hayden Smith fydd yn cyflwyno artistiaid y cyngerdd nos.

Image caption Bydd y diwrnod yn gorffen gyda chyngerdd ym Mharc Biwt.