Drakeford yn cefnogi Corbyn

Liz Kendall, Andy Burnham, Yvette Cooper a Jeremy Corbyn

Mae Gweinidog Iechyd Cymru Mark Drakeford wedi dweud ar ei wefan y bydd yn cefnogi Jeremy Corbyn yn y bleidlais am arweinyddiaeth y Blaid Lafur.

Mr Drakeford yw'r ail weinidog i ddatgan ei safbwynt yn gyhoeddus.

Mae'r Gweinidog Gwasanaethau Cyhoeddus Leighton Andrews wedi dweud y bydd yn pleidleisio dros Yvette Cooper.

Mae Andy Burnham a Liz Kendall hefyd yn y ras.

Bydd yr enillydd yn cael ei gyhoeddi ar 12 Medi.