Rhybudd tywydd am law trwm ddydd Sul

Mae rhybudd tywydd am law trwm mewn grym ar gyfer rhannau o dde a chanolbarth Cymru yn dilyn stormydd yn y gogledd dros nos.

Mae rhybuddion hefyd i yrwyr fod yn ofalus oherwydd amodau gyrru peryglus, yn dilyn gwrthdrawiad rhwng dau gerbyd ar yr M4 ger Casnewydd.

Dywedodd Gwasanaeth Tan ac Achub De Cymru bod y cerbydau wedi llithro oherwydd bod llawer o ddŵr ar y ffordd.

Mae'r Swyddfa Dywydd yn rhybuddio pobl i "fod yn wyliadwrus", gyda rhagolygon o gawodydd trwm mewn mannau ddydd Sul.

Mae mwy o wybodaeth ar wefan y Swyddfa Dywydd.