BBC Cymru Fyw

Ystafelloedd myfyrwyr ddim yn barod ar gyfer Medi

Published
image captionPrifysgol Aberystwyth
Bydd 300 o ystafelloedd sy'n rhan o ddatblygiad Fferm Penglais ar gyfer myfyrwyr prifysgol Aberystwyth ddim yn barod ar gyfer y tymor academaidd.
Ar ôl ei orffen fe fydd gan y prosiect gwerth £45 miliwn gyfanswm o 1,000 o ystafelloedd.
Ond dywed y brifysgol mai dim ond 700 fydd yn barod ar gyfer mis Medi.
Yn ôl y brifysgol mae'r datblygwyr Balfour Beatty wedi cadarnhau y byddant yn cwblhau'r 300 sy'n weddill yn ystod y flwyddyn academaidd 2015/2016.
Doedd yr un o'r 300 o ystafelloedd dan sylw wedi cael eu gosod i fyfyrwyr.

Straeon perthnasol

  • Prifysgol Aberystwyth: Streic yn bosibl