BBC Cymru Fyw

Watford 1 - 0 Abertawe

Published
image copyrightGetty Images

Colli oedd hanes yr Elyrch yn eu gêm oddi cartref yn erbyn Watford yn Vicarage Road brynhawn Sadwrn yn Uwch Gynghrair Lloegr.

Llwyddodd Odion Ighalo i rwydo i'r tîm cartref wedi 59 o funudau gyda chic o ganol y cwrt cosbi. Bum munud yn ddiweddarach roedd Watford i lawr i ddeg dyn ar ôl i Valon Behrami gael cerdyn coch am ymddygiad treisgar, ond fe fethodd yr Elyrch a manteisio ar y sefyllfa yn ystod gweddill y gêm wrth i amddiffyn Watford rwystro eu hymdrechion.

Fe welodd chwaraewr Abertawe Ki Sung-yueng gerdyn melyn am dacl wael wedi 66 o funudau, ac fe fydd Gary Monk a'i chwaraewyr yn siomedig gyda'r canlyniad ar ôl Abertawe gael dechrau mor addawol i'r tymor.