BBC Cymru Fyw

Gwrthdrawiad: Menyw 66 oed yn yr ysbyty

Published
image copyrightGoogle

Mae menyw 66 oed yn ddifrifol wael yn yr ysbyty ar ôl cael ei tharo gan gar ym Maesteg yn Sir Pen-y-bont ar Ogwr.

Fe darodd car Seat Ibiza gwyn y wraig a oedd yn cerdded ar Heol Cymer yn y dre tua 20:30 nos Wener 30 Hydref.

Mae hi'n cael triniaeth yn Ysbyty Treforys yn Abertawe.

Mae Heddlu'r De yn gofyn i unrhyw un a welodd y digwyddiad i gysylltu â nhw.