Pro12: Dreigiau 12-19 Ulster

Paul Marshall sgoriodd unig gais y gêm i Ulster

Roedd perfformiad cryf gan Ulster yn ail hanner y gêm yn erbyn y Dreigiau yn ddigon i sicrhau buddugoliaeth i'r Gwyddelod ddydd Sul.

Mewnwr Ulster, Paul Marshall sgoriodd unig gais y gêm yn yr ail hanner, wrth i Paddy Jackson hefyd gicio 14 o bwyntiau.

Llwyddodd Dorian Jones i gicio tair cic gosb i'r Dreigiau, a daeth un arall gan Jason Tovey.

Fe wnaeth y Dreigiau roi pwysau mawr ar Ulster yn yr ail hanner, ond llwyddodd yr ymwelwyr i ddal yn gadarn a sicrhau'r pwyntiau.

Ulster yw'r tîm cyntaf i guro'r Dreigiau yn Rodney Parade y tymor yma.