Gweinidogion yn cyhoeddi cytundeb cyffuriau

Cyhoeddwyd
disgrifiad o’r llunY cyffur Afinitor neu Votubia fydd yn trin canser yr aren, pancreas a'r fron.

Fe fydd cleifion canser yng Nghymru yn gallu cael rhai cyffuriau nad oedd ar gael ar y Gwasanaeth Iechyd fel arfer am fod Llywodraeth Cymru wedi dod i gytundeb gyda chwmni fferyllol.

Y cyffur Afinitor neu Votubia fydd yn trin canser yr aren, pancreas a'r fron.

Fel rhan o'r cytundeb fe fydd cwmni Novartis yn buddsoddi £1.3m yng Nghymru mewn gwaith ymchwil i ganser y fron.

Bydd y cyffuriau Afinitor ac Aromasin yn rhan o'r astudiaeth.

Dywedodd y Dirprwy Weinidog Iechyd Vaughan Gething fod y cytundeb an ddwy flynedd yn "unigryw".

Mae dioddefwyr wedi ymgyrchu o blaid cael defnyddio Afinitor yng Nghymru ers blynyddoedd.

Dywedodd llefarydd Plaid Cymru ar iechyd Elin Jones y byddai rhai fyddai angen y cyffuriau yn croesawu'r newyddion ond beirniadodd bolisi oedd yn golygu bod trinaethau ar gael "fesul tipyn".